२५ गते साँझ "दिपाश्रीको विवाह राजेश हमालसंग हुँदैछ: दिपाश्रीका गुरु कामेश्वर" भन्ने शिर्षकमा समाचार छापिएको थियो । पत्रकार मोहन भट्टराईले लेख्नु भएको उक्त समाचार थीयो त्यो । पछि सोहि समाचारलाइ विराटनगरको एक स्थानीय पत्रिका "विराटपथ दैनिक" ले छापेपछि समाचारले व्यापक हल्ला पायो ।
खास पत्रिकामा के छापेको रैछ त ?
दिपा निरौला कसरी दिपाश्री भइन् भन्ने पुरानो रहस्यका साथै दिपाश्रीका गुरु कामेश्वर झाले उनको जीवनको अर्को नयाँ कुराको रहस्य पनि थाहा पाएका रहेछन् । अहिले दिपाश्रीले राजेश हमालसंग विवाह गर्नेवाला छिन् भन्ने कुरा पनि उनले थाहा पाएका रहेछन् । ‘तर मलाई अचम्म लागिरहेको छ’–दिपाश्रीले राजेशसंग विवाह गर्ने कुरा थाहा पाएपछि उनी आश्चर्यमा परेका रहेछन् ‘राजेशले मसंग के भन्थ्यो भने हे दाइ नेपाली केटी मलाई मनै पर्दैन त्यसैले म नेपालीसंग विवाह गर्दिन भन्थ्यो । र उसंग जहिले पनि विदेशी केटी नै साथमा हुन्थी । अहिले सुन्दैछु दिपालाई विवाह गर्दैछ रे, मलाई लाग्छ यो विवाह भए पनि दीर्घकालिन हुदैन ।’
के भन्छिन दीपाश्री ?
त्यो समाचारको सत्यताका बारेमा दिपा श्री निरौलाको कुरा भनें अर्कै छ ।
आज विहानै मैंले पनि राजेश दाईसँग मेरो विवाह हुने भनेर कुनै पत्रिकाले समाचार छापेको छ रे भन्ने सुनें । समाचार सुनेर त म अचम्ममा परें । पत्रिका खोजें तर भेटिन । पछि बुझ्दै जाँदा त्यो विराटनगरको स्थानीय पत्रिकाले छापेको रैछ । यो समाचार सरासर गलत हो । यो समाचार सुनेंदेखि म तनावमा छु । नेपाल टेलिभिजनबाट प्रशारण हुने कार्यक्रम तितो सत्यको सुटिङ्गको दिन हो आज । त्यही समाचारका कारण मैंले राम्ररी सुटिङ्ग पनि गर्न सकेकी छैन । आज दिनभरी नै सुटिङ्गमा व्यस्त छु । त्यो झुठो समाचार छाप्ने पत्रिकालाई के गर्ने भन्ने विषयमा भोली तिर राजेश दाई तथा अरु आफन्तसँग सल्लाह गर्छु र आवश्यक कारवाही अघि बढाउँछु । लण्डनमा भएको कार्यक्रममा एक महिनासम्म राजेश दाई र मसँगै थियौं । हाम्रो टोली केहीदिनअघि मात्र लण्डनबाट फर्किएको हो । त्यसपछि मैंले राजेश दाइसँग भेट्न पनि पाएको छैन ।
पत्रिकाले कामेश्वर झालाई उद्धृत गर्दै मेरो विवाह राजेश हमालसँग हुने भनेर छापेको छ रे । मेरो विवाहका बारेमा बोल्ने अधिकार मेरा बाबु बाहेक अरु कसैलाई छैन । झाले किन त्यस्तो झुठो कुरा गर्नु भयो । त्यो पत्रिकाले मेरो विहेको बारेमा मलाई एक पटक पनि नसोझी किन झुठो समाचार छाप्यो मैंले बुझेको छैन । म जन्मे हुर्केको ठाउँ विराटनगर नै हो । मलाई मेरैं गाउँको पत्रिकाले यस्तो गर्छ जस्तो लागेको थिएन । तर त्यो पत्रिकाले किन त्यस्तो झुठो समाचार छाप्यो म आफैं अलमलमा छु ।
IF you enjoyed this post and wish to be informed whenever a new post is published, then make sure you subscribe to our regular Email Updates.
